ياثمر قلبي

[ابوسحر]

ياثمر قلبي وريفي=هالسنه منتب عريفي
قبل انا ويّاك دايم=ماجرى منّا لوايم
مبعدين من التهايم=واخلفك برق الخريفي
انت عقبي وش جرالك=جعل فال الرشد فالك
لو تعلّمني بحالك=كان طبت وطاب كيفي
ياحليّ من الجوازي=مارعت عشب النوازي
لايهاز ولايرازي=كامل الزين المطيفي
ياقمر شقر الذاويب=جعل تفداك الزلايب
لو كلامي في محلّه=ماسهرت الليل كلّه
صابر صبر المذلّه=وانت مبسوط مريفي
انت الأول وأنت الآخر=وانت ورّاد المباخر
جاير بالطيب فاخر=ماعلى زينك وصيفي
كل ما انّي ذكرتك=عقب شكر الله شكرتك
مير يوم انّي ذكرتك=صار ميزانك خفيفي
السبب وقتي تغيّير =والمها عقبي تذيّر
والحمام الور طيّر=واختلف حكم الشريفي
والله انّي يوم اقوله=ما طردته لمحصوله
مير تعجبني دلوله=والغلا ضدّه يخيفي
ذا وصّلى الله وبارك =ماحوت سورة تبارك
القليل اللي تبارك=سدّ عنّي شن كليفي

محبكم
ابوسحر