قلبي نهيته

[روح التميمي]

من قديم أبي زياد ..

قلبي نهيته

قلبي نهيته واشتكيته ولا فاد=ما فادت الشكوى ولا فاد لومي
عيّا يطاوعني وأنا منه بجهاد=ما يستريح البال في كل يومي
ما شاف من درب الهوى غير الأنكاد=يومٍ قهر واليوم الآخر همومي
أشقيتني يا قلب بالحب وش عاد=وش فايدة من حب زين الرسومي
لا صار ما لي منه شوفه وميعاد=ولا تجيني منه غير الحلومي
ما دمت أنا في واد والزين في واد=الظاهر إني من هواه محرومي
وإن قلت يمكن وقتنا فيه ميراد=يمكن تجيني غايبات العلومي
آخذ على السجّه وأعذّر للأجواد=وأبدا بعد ما يطري أقعد وأقومي
ما لوم قلبي يوم يخضع وينقاد=للي ترك بأقصى ضميري وسومي
الحب ضيم وراعي الحب يعتاد=للضيم كنّه من خيار السلومي
أصبر وأنا مجبور عبدٍ للأسياد=عبدٍ مليك وفي هواه محكومي
أنشد وأعرف إني عن الوهم نشّاد=مظلومي لكني أسامح خصومي
يا ليتهم عندي بتثبيت وإسناد=وأكتب لهم صكّين عند القسومي*

* هو الشيخ عبدالرحمن القسومي رئيس كتابة العدل في عنيزة آنذاك