مع الله

[الحر المقيد]

خلك مع الله
واترك الناس لله
وارحل عن الجافي
وودّع موانيه
والغادر الهاجر
لشمسه وظله
ما أبهج الدنيا
بفرقى شواطيه
واللي وفاء لك
في رموشك تظله
يكفيك منه الوصل
وقبلة أياديه
أخذت من دنياي
مع ألفين عله
اللي ضحك بالوجه
وغبراء لياليه
يا صاحبي
ويلاه وفي كل كله
ما يعرف المعروف
وأصمت
وأناديه

أوصيك في غـاليك تروح لمحــله
بزهرتين وشوق في قلب مغليه
وفي آخر المشوار أرجوك قل له
أنا على عــهدي وعـهدك توفّيه
وذقت مُر الخـــلق دِقـــه وجِــله
وتهـــــت أنا وياي أداريه وأخفيه
هذا وانا بالسلم وسيفك تسله
وشلون عند الحرب يا أول التيه!