خـــيره ..

[الحر المقيد]

عسى من أمرنا خـيره
ونتعـاهــد على المعروف
ونطوي صفحة الحيره
ونفتح بالســـــلام كفوف
على ما فات من جـيره
مشـــينا والقيود ظروف
ومن ديــره الى ديــره
خطاوي للحذر والخـوف
تشـــيل برتمهــا غيره
وتشهر للوداع ســـيوف
وهمٍّ مــــا لنــا غــيـره
تواسى في اساس الجوف
إذا حــاولـت تفســـيره
تداعت للحروف حروف
واذا غـــنّت تعـــابـيره
نبــت في ليــلنا ملهـوف
وصارت قصته سـيره
من الوادي اليـن الجوف.