آدم وحواء !!

[الحر المقيد]

( آدم وحواء )

أســـــــماء ولميــاء كلّها اســـــماء تروى
وســرّ آدم ســــــاكن بصـــــــــدر حـــــــــواء
اثنين عـــــــاشوا في مـواويل اثنــين
وتكــــامــلوا نفـسين معـــــنى ومـــــأوى
بيت الرضا مسكون بإحســاس قلبين
مرتع ومحيــا ثم ســــلوان شـــــــــكوى
حــــلّو وراحــــوا ثم غـــــــابوا بدربين
واهــــتزّت أجـــفــــان الموادع بنجـــــوى
الســــر فيهم واضـــحٍ تحـت ســـــــرين
وبعض الغــموض السِـــحر لعيون تهــوى
تلقى الغـــريبه والعجيبه بلونـــين
وتلقى ســــموح الجــرح مغـســـول بـدواء
ضـــحّى وضحّـــت والحــــياة بمــــــوازين
تأخـــــذ وتعـــطـي دون بيـــعٍ وشــروى
ما هي غـــريبه لو تعــــلّوا على البين
وتجـــــاوزوا ضـــــــيم الليــالي بســـــلوى
ضيّ الشـموس بصـبحهم يبهر العين
ويغـــار من ليــل المـوالــــف والأضــــــواء
آدم وحــــواء بالحيـــــاة النديـمـــين
اللــــي بـنـــــوا دارالمـــــــــوده برجــــوى
يعطش قريب المـاء من بعد غــالين
وبـأرض المحــــبه أجــــدب النفــس يروى
قصة كتبها الدهر من أول ســـــنين
ولآخـــــــر التـــــاريخ تحـــكــــى وتــــروى.


تويتر
https://twitter.com/kjassk