زِيدي عليّ حْمول ظلمك وانا اشيِل

[حمد البادي]

يـابــنــت يـالــلــي تَـفـرقِـيــن الـرجـاجـيــل=يـــا امْ الـدهــاء والـمـعـرفـة والـحـذاقــه
يـامــن لـهــا تـجـويـف قـلـبـي مِـداهـيـل=ظــلّــه ظـلـيــل . وْمــــاه حــلـــو مــذاقـــه
زِيدي عليّ حْمول ظلمك وانا اشيِل=اللـي يشـيـل الحِـمـل يَـقـوى الوْسـاقَـه
يـحــقّ لِـــك يــــاامْ الـعـيــون المـظـالـيـل=ظلمك عَدِل . واسـراف عُنفـك لباقـه
مـــــدام حـــبـــك تَـــيَّـــل الــــــروح تَـتْـيِــيِــل=مـرهـونــةٍ عــنــده . حـبـيـســة نِـطــاقــه
الله عـلـيـتـس إلــــى تَـعَـمَّـدتـي الـعــيــل=وانـــا عـلــى الـعـيـلات نـفـســي رقــاقــه
أشـــره شَـــرَه مــــن عَـقّـبــوه الفـنـاجـيـل=فالـمـجـلـس الــلـــي قـاطــبــاتٍ حْــلاقـــه
مـن غيـر تَمييـزٍ مـن اهـل المعاميـل=صَــــبَّــــابـــــةٍ مِـتْــلَــبِّــسَــتــهــم طِــــفــــاقـــــه
ماهـوب ضَرمـانٍ علـى البـن والهـيـل=لــكــنّ عِــــزّ الـنـفــس عِــنــدِه عـشــاقــه
صَدّ وْرفـع رآسِـه كمـا مِرقِـب سهيـل=لايـلـحـضـون الـحـاضـريـن اِنْـصـفـاقـه
وِاسـتَــلّ عـمْــرِه مـثــل ســـلّ المخـالـيـل=حــــرٍ كــظــم غـيـضــه وكــبــده حــراقـــه
خـلاّ المكـان وراح يــدوي مــع اللـيـل=يـــبـــي لـــعـــلّ الــلــيـــل يَـــرتِــــق فْــتــاقـــه
والـلــيــل حـــــلاّب الـعــيــون الـمـبـاهِـيـل=الـلـي قـنـاة دمـوعـهـن . ديـــس نـاقــه
مــــــازاده إلا زود ويــــــلٍ عـــلـــى ويــــــل=حـتـى شـعــاع الـصـبـح بـــان انبـثـاقـه
غــديـــت مـثــلــه يـامـلـيــح الـتـفـاصـيــل=بـيـنـي وبـيــن الـلـيـل ولْـــف وْصــداقــه
أســاهـــر نْـجــومِــه واجـــــرّ الـمــواويــل=والـدمــع يِسـتَـهـوي الـعـيـون إنْـدفـاقـه
أسألـك باللـي ضَمِّـن الوحـي جبـريـل=وارْكَـــب نـبِـيّــه فــــوق صــهــوة بُــراقــه
إن كــان مـالــي عـنــدك إلا البـهـاذيـل=فِاعـتـق بقـيـة مـيـت . واحـلـل وِثـاقـه