لَشِفت راعي مُعَرّف . وِدّك تْعَرْفِه

[حمد البادي]

لَشِفت راعي مُعَرّف . وِدّك تْعَرْفِه =فادخل على اللي كِتَب وتْدلِّك إحروفه
أحدٍ تِكحِّل نِظرك إعلومه الطَرْفه= وأحدٍ تِصدّ النواظر مِنْه مقروفه
هذا تَفَيَّئ ظلال حروفه الْوَرْفَه= وهذاك صَكّة عمَيّ الشمس بجروفه
وأنا ما آلوم الضَّعِيِف مْقَدِّرٍ ظرفه =لو تِنكشف سوءتِه من تحت غضروفه
لو إنّ بيديه تَرْفَه قَدَّم التَّرْفه =لكنها دَمعَةَ الخيبه وِمَذْروفه
وِن قالوا أصحابه الحولان . ياظرفه =قلنا صدقتوا ولا أحدٍ يِشْبِه إظروفه
قَيئه كما الزعفران وريحة القرفه= كلٍ يوَلِّم معه ماعون وغروفه
أمثالنا جآتنا بحروف مِحْتَرفه ="كفاقد الشيئ لايعطيه" . معروفه
والناس بعقولها ماهيب مِنصرفه =لو إن بعض العيون الحول مصروفه