روحي تهاوت!

[روح التميمي]

روحي تهاوت يا أتلع الجيد .. يالترف=ما بيـن رمشـك وارتعاشـة شفاتـك
السحر بعيونك غرف مهجتـي غـرف=والموت صلف الموت في سلهماتك
تغنّج بزينك .. وصوّب مـن الطـرف=قلـوب عِشاقـك بسـهـم انْظَـراتـك
زوّد جروح القلب .. وبعينـي الـذرف=ياحلـو جرحـك لا تعطّـر بـذاتـك!
صرعتني بالجيد .. والخصر .. والعُرف=حسيبك الله .. من يسـوّي سواتـك !
كشفت سرّي يـوم أترجمـك بالحـرف=طيّـرت نومـي .. واهتنيـت بمباتـك
تخاف تفقدني وأنا اللي على الجـرف؟=من عقب ما روّيـت جـارح شباتـك!
بالله ياسِيـد الدلـع مازجـه ظِـرف!=يـا آسـري فـي سيّتـك واحْسَناتـك!
إن ما فقدتـن يـا حبيبـي بهالظـرف=ماظـنّ تفقدنـي .. بباقـي حيـاتـك!

روح التميمي / الرياض

20 / 7 / 2007م