مبداي رب كريم يقضي الحاجه =نفس الفتي دايم يقضي مطالبها
رزاق مابالوطا والبحر وامواجه=سبع بسطها وسبع فوق قاضبها
يفزع لعين الي هست بهملاجه=روابع الشوق بجيوشه تحاربها
قلبي له سنين ماحول عن ابراجه=في راس مشراف صيداته يراقبها
بلجه بحر تايه بامواج صياجه=يلعب بي الموج الي هبت هبايبها
والله لصبر لو ان النار وهاجه =ومايوجس النار غير اللي يدوس بها
كله لعينك اخلى العين سهاجه =ماتراعي الناس لو كانو قرايبها
ماحمل القلب ولازود بلجلاجه=الا الغرابيل وانتي من سبايبها
منك المحنه ومنك الجرح وعلاجه=انا دخيلك ورحي لاتعذبها
روحي لها الهم والعلات رهاجه=هذي حياتي ورب العرش كاتبها
ماياقف الساق ورجلي دوم دواجه=صبحي وعصري وتال الليل متعبها
عسي عسي ساعه والناس سجاجه=في غرقه النوم تصفي لي مشاربها
اشرب عسل ذابل من بين لعاجه=بين الثنايا وحب الضيق جاذبها
وعيون نجل بسهم الموت نهاجه=من فوق خد يغطنه مهادبها
من صنعه الله ماعفر بمكياجه= وشقر كما الليل عدا عن ترايبها
ان كان صدت يعود القلب رجاجه=وان قابلتني تقل مانيب راغبها
وانا شفوق لها والنفس محتاجه=هي خزنة القلب وهي اللي تحاسبها
وختامها من سري ليله بمعراجه=الهاشمي عد مابانت كواكبها
العرض العادي
