لاتعرض في طريقي

[yhb123456]

لاتعرض في طريقي بس يكفي ماحصل لي=طاوع اللي بي حكي لك واعسي يكفيك عني
عفت قربك والصداقه ابتعد لاتلتفت لي=لاتحسب اني رجاوى واستمع ماقيل عني
عنك ابلقا في عنيزة صاحب غيرك يسلي =عنك انا نفسي عزيزة وان رفعت الراس عني
بعت معروفك وعرفك والهوى مابه تغلي=خل من غير ودادك لك يقوم بدور عني
قال لي ويش انت شايف ماحصل كله من اهلي=كل ماجيت التقي بك صكوا الابواب عني
آه انا مابيدي حيله لاتحسب انه هوى لي=يافتي قدر ظروفي واترك اللي قيل عني
والله اني مانسيتك وانت لاتنسي محلي=لاتطاوع بي حسودي لو كذب او قال عني