فـهـده

[ابن الخطيب]

يا فهده .. الشعر عقبك زيف ومموّت=وانتي هداة الشعر والموت يا فهده
شوفي دموعي كثر ما سالت وروّت=شوفي جفاف الحيا باقي على عهده
تفجّرت بي هواجيسي ولا دوّت=شيٍ تعوّد عليه القلب من مهده
من كثر ممشاك بين اضلاعي تقوّت=لكن عروقي على ما قيل: مضطهده
تظلّم الصدر في غيبتك وان ضوّت=اذوب بين الاسى والضيق واللهده
يا فهده .. اللي مضى من عمرنا صوّت=يبكي مقابيلي اللي عافت السهده
خذيتي اللي تبين وعمري مفوّت=من قلّ حظّه بدا يزهد على زهده
يا فهده .. الشعر واهل الشعر وش سوّت=يبقون في وصف خصله منك: مجتهده!