البسمله

[yhb123456]

كلما قفلت باب انفتح تسعين باب=ذي هموم مقفيات وذي هموم مقبله
ضاعت الحيله وضاعت مفاتيح الصواب=مابقي بالصبر باب لنفسي تقبله
والله اني من عرفتك وانا توي شباب=ماجنيت الا العني والتعب والغربله
راح عمري منك اطارد سراب في سراب=بين هم وبين غم وبين ظيم وبهذله
اتظيم مثل طفل فقد حلو الشراب=ماتت امه مالقوا له حليب ينهله
اتحري كلما انه طلع نجم وغاب=وانتظر نظرة يتيم يبي من يكفله
والله اني مغرم في هوى تلع الرقاب=كم غريم دون رحمه خذنه من هله
ادخلنه في سجون الظلايم والعذاب=لين نسنه فروضه وحفظ البسمله