اقتباس:
المشاركة الأصلية كتبت بواسطة حمد البادي
هذه القصيده نظمها ابو محمد رثاء للمرحوم الشاعر عبد العزيز بن حمد البادي*
الروح بيد امدبر الكون باقسام=ربٍ كريم برحمته نستضلي
يارب لطفك عن صواديف الأيام=يامسلهم النسيان عقب التسلي
جاني خبر مفجي وعضيت الإبهام=واخذت لي ساعه وانا في محلي
كن الخبر في خاطري كذب واوهام=من شد مابي ما قويت استدلي
ما لوم نفسي يوم تفزع وتنضام=على رفيقٍ راح ثم رحت كلي
هذا رفيقٍ لي ولا ظني الام=عبد العزيز اللي جبينه يهلي
اقفا وغير الله بالأيام مادام=واللي مقدر لازم انه يحلي
يامل عينٍ كل ما جيت ابانام=تذكرت غالي ودلت تهلي
ما غير تاخذني هواجيس واسقام=لا راحمٍ حالي ولا مسفهلي
يالله من جودك وعطفك والأنعام=انك لراجي رحمتك ما تخلي
تجبر عزاي وتجعل الخير قدام=لبو حمد واتثبته لا يزلي
ابو حمد يعرف مقامه الى قام=بالعقل والهرج النزيه امتملي
مرحوم ياللي للأقارب والأرحام=به رحمة الصايم وروح المصلي
صلاة ربي بالمبادي والاختام=على نبيٍ بالمقام امتعلي
|
* نقلا عن الشاعر حمد البادي
العرض العادي
