انا دخيل الطـول والمبسـم وعينـك والجديـل = خـل السوالـف والمفـارق مدهـا واشـدهـا
حنا علـى شانـك ضربنـا بالكثيـر وبالقليـل = وحنـا وحنـا والرفـاقـه مانبـيّـح سـدهـا
مالك مصالح يوم تاطا الجرح والقلـب العليـل = لاتختبـرنـي ياطـويـل الـقـد والله قـدهـا
مانساك لو تنسى على قولة نبيـل بـن شعيـل = يمين معـك يميـن حتـى يسـار لكـن هدهـا
دمرتني دمر الدول لاصـار فالدعـوى عميـل = وصارت هجاد وعدة اهل الامن ما احد(ن) عدها
لعبت فيني لعـب زيـدان الفرنسـي ياجميـل = لاسحّب القشاش والحـارس عجـز ماصدهـا
اخذتني مثـل العزيـز وجبتنـي مثـل الذليـل = وصليت بي شرق الحرم حتى الجهـات تلدهـا
رحلت مامعك الزهاب وجيت مامعـك الدليـل = مالك عليّه حلـف انـا حتـى الثـوان اعدهـا
سكوتك اللي تنهجه يقضي على الصبر الطويـل = والكلمه اللـي تستحـي منهـا بسرعـه بدهـا
اموت فالقصه لياطاحت على الرمـش الكحيـل = والخـد يرفعهـا شـوي بضحكتـه ويهـدهـا
العن ابوالموقف وانا جنبه واناظر فـي سهيـل = يده الرهيفه مـن علـى عينـه تجـي وتردهـا
حتى الذهب في صدرها لوكان وعيـاره ثقيـل = مايلفـت الانظـار والعالـم تطـالـع خـدهـا
موديله اللـي يلبسـه يصيـر للعالـم موديـل = وحتى سواليفه غدت مـن هاتهـا فـي ودهـا
اليا اعتزت تتعتزي فاللـي لهـم بنـدق وخيـل = ماراحت تعـد الجـدود الفعـل راسـه جدهـا
كلامها محسـوب ومرتـب ولايشـف الغليـل = لكـن مـع هـذا وامـوت بمزحهـا وبجدهـا
لاتستمع ياصاحبي فابن الـردي وابـن البخيـل = قوم(ن) على طول الزمن ضدي وصرت اضدها
مادامنـي فاهـم ومتعلـم واعشـق المستحيـل = من طيّـر عيونـه علـى عمّـه يقـوم يسدهـا
ولالوّحت يمناك في وقت المـوادع والرحيـل = كل المشاعر من علـى بابـك نجـي نحتدهـا
* * *
لا والله إلا علقـونـا الهوامـيـر = يامحللين السـوق طـاح القناعـي
رحنا ماراح مقيط في جمـة البيـر = ولاعاد تنفعنـا جميـع المساعـي
ماهـو كـلام محلليـن وسماسيـر = عيني تشوف وعين غيري تراعـي
السـوق ماتحكـم عليـه التقاريـر = بيدين راعيـن التـرف والمتاعـي
على الوصايـا ياخـذون الدنانيـر = شباع منا ومـن الاسهـم شباعـي
حتى الوصايا كل ابوهـا خوابيـر = تشري بنادك والعرب في المراعـي
حتى البنوك امست سواة المناشيـر = فالمشترى ساعي وفالبيـع ساعـي
وحنا مع الهامـور ونغيـر ونذيـر = نوب انخفاض ونوب نوب ارتفاعي
يرقى بنا سهميـن لطـوّل السيـر = وينزل بنا عشرين من دون داعـي
واليا دخلنا في الصناعـة طوابيـر = السـوق رشـه واتجـه للزراعـي
واليا حدث زلزال في وسط كشمير = والا اهتوش في نجد راعي وراعي
ولا منيـره طلقوهـا مـن منيـر = ولا دعس حمدان ناقـة شجاعـي
بكرة تشوف السوق نازل على خير = اللي شرى يقعد ومن بـاع باعـي
وانا على الشاشة عيونـي مطاييـر = لا ذي ولا الاخرى وثانيً كراعـي
واول ما اخذت القسط فرحان ومغير =مع السلف حطيتها فـي الجماعـي
وعلى جهازي والمكاسـب فواتيـر = والمكسب الاخـر تكسّـر خناعـي
ولا شلّع الهامور والنـاس تتطيـر = مع اللـذي روّح ودفعـه رباعـي
وقتي مابين إلغـا ومابيـن تغييـر = والناس تجن ارباحهـا فالرفاعـي
واليوم تلعب بـي همـوم وتفاكيـر = ومن عقبهم ماعاد انـا بأجتماعـي
ويالله انـا طالبـك رزقً بتيسيـر = مالي ومال اهل السهر والصداعـي
وترى الحقيقة يالوجيـه المسافيـر = اقولهـا والـيـوم زاد اقتنـاعـي
سوقً بلاهامور مـن دون تقصيـر = ماهـو بسـوقً لوبلدنـا صناعـي
لكننـا نبغـى علامـة وتحـذيـر = لاسجلو عنـد الخـروج الوداعـي
العرض العادي
