الطيب ضاع

[ماجدونا]

تركت انا حبٍ يجي به عذاريب = من صاحبٍ طفق وله راس قاسي
الطيب ضاع اليوم من منقع الطيب = لاواحسايف يا صعيب المراسي
متخيرك من عربها والاجانيب = وارخصتني بالهرج من غير ساسي
ضاع الدوا يا زين بك والتطابيب = اذكر زمانٍ فات كان انت ناسي
امنول حبٍ وضحك وتشابيب = واليوم مثل اللي غشاك النعاسي
كدرت صافي دهرنا والمشاريب = وتيهت فكرٍ ضاع من وسط راسي
ياما جعلنا الصعب لاجلك عباعيب = والا تفوّه بك حدٍ قلت خاسي
ودعتك الله يا مكرم عن العيب = لما يبين اللك الذهب والنحاسي