هذا طرق علي بيت واحد قبل ماتكون الرديه علي بيتين بين الشاعرين العملاقين علي الماجد وعزيز البادي رحمهما الله وجميع اموات المسلمين كانوا مسافرين من عنيزه الي الرياض مع مجموعه من اهل اعنيزه وتعطلت بهم السياره بالقرب من شقراء واضطروا للمبيت حتي يتم اصلاح السياره وكانوا كل المسافرين معهم من هواة القلطه فطلبوا منهم ان يلعبوا واقاموا الصفوف وابتدا ابو ماجد بالوسيمه:-
ابو ماجد
يقول الشاعر اللي لابغى ياسم مصط بالبيت = سلام الله عليكم يا ضيوف ويا معازيبي
ابو حمد
هلا يا مرحبا بك يا وسيع المعرفه حييت = عسى الله ما يخيبب من بذل في ربعه الطيبي
ابو ماجد
انا لولا الطرب عقب العشا باللعب ما غنيت = وابا جوّد عراقيبك قبل تقضب عراقيبي
ابو حمد
تهددني وانا والله يمين الشرع ما ذليت = بعد وادري عن اللي بك ولا تدري عن اللي بي
ابو ماجد
اجل كانك معك خبره فانا قبل امس وش سويت = سنة يوم السياسي ما توقى للمشاعيبي
ابو حمد
انا ما ودي ابدي للعرب ما بالضمير اخفيت = اخاف ان راس مالك ما يسادي للطلاليبي
هذا اللي اعرف منها وقد تكون اطول من هذا ولكن ارجو المعذره
نقلا عن حمد العبدالعزيز البادي *
العرض العادي
