جيت.. اشتكي لك

[روح التميمي]

جيت.. اشتكي لك من عنا طرفة الموق=تعبت يدي من مسـح دمـع عصانـي
يا كثر من يشكي من عقوق مطفـوق=وين الوصل يايمه فـي هـا لزمانـي
واللي يعسر القلـب يـا يمـه عقـوق=كـدر كيانـي قطعـة مـن كيـانـي
ياما رعينا فلـذة الكبـد فـي شـوق=والقلـب فـي بـذل الحنـان متفانـي
نعيذهـم بالله مـن شــروعــوق=وبحفظهـم يلهـج ويدعـي لسـانـي
ندعـي لهـم يا يمـه وعيوننـا فوق=وكفوفـنـا مرفـوعـة بـالامـانـي
عيالنـا.. قلـب وشريـان وعـروق=فينـا وروح حطهـا اللـي عطانـي
ادعي بصلاتي خالـق كـل مخلـوق=تبـارك الرحمـن مـا قـد نسـانـي
يا عل وصل منهـم مجفـف المـوق=حنانهـم يشفـي مـواجـع كيـانـي
للوالـدة قـدرٍ.. وللـوالـد حـقـوق=وياحظ مـن فـاز برضاهـم ثوانـي