هلّ رمضان وخاطري منك زعلان

[روح التميمي]

هلّ رمضان وخاطري منك زعلان=الى متى ؟؟ يا أبيض القلب صدّك
قبل الفطور .. ادعي ومن بعد الاذان=و.. وقت السحور ارجي الهي يردّك
أنا اعتذر.. سامحني.. يا طير حوران=وانت النبيل.. وربي بالحلم مدّك
عقبك نصتني اهموم.. للحزن عنوان=حسبي على من كان ضدي.. وضدّك
لازم تواجهني.. بما قيل.. او كان=واشرح لك.. الموضوع.. وتقول ردّك
انا اتمنى.. شوفتك.. والغلا.. بان=او حس.. صوتك.. كان ظرفك يحدّك
واذا لقيتك.. بسمتك.. عندي برهان=على رضاك .. وحب قلبٍ يودّك
كل عام وانت بخير.. يا عالي الشان=والله كريم.. اخلاص.. قلبي يشدّك