حمام ياللي الى غنى

[ماجدونا]

حمام ياللي الى غنى يجر غناه = بين العثامير والمقطع وعزامه
يلعي طرب ما شكى من علته فرقاه = لو جرب الكود ما طابت له ايامه
يا عيني ياللي من الفرقا تنثر ماه = وحن له حن ميلافٍ لمريامه
والكبد يقلاه فوح ما عرفت دواه = يعلم به اللي بحكم الغيب علامه
يا تل قلبي من أدنى ضامري واقصاه = تل الرشا من محاحيل على قامه
على وليف الى دش الهوى يزهاه = من شرد الصيد ريم من ظبي رامه
عليه ميلاف قلبي خاشع لرضاه = اسجد على الطار وارفع وارخي الهامه
الزم على الولف وافطر والطعام انساه = واواصل الصوم وافطر مثل من صامه
واسهر مثل من سهر عن لذته وغذاه = يفرش فراشه ويطوى ما بعد نامه