البارحه نور عيني بالكرى جاني = بالحلم والعلم عنّي نازح الديره
بغيت احب الحبيّب مير عيّاني = من يوم بان الجفا به يالله الخيره
يا زين ما ترخص الحبه على شاني = تبرد لهيب غدا له بالحشا نيره
من مبسم عنه طول الياس عدّاني = ذبح لنفس المحب وللقدم حيره
دنّق على الحبيّب ظبي حوراني = يقول خلّلك حشيم وتصلح الجيره
اخاف امنّيك علم وتطلب الثاني = يصير غالي الجنيه حساب قصديره
يا زين ما همّني غيرك ولا اشقاني = والا دروب الموده ما بها عيره
واقفى وانا اقفيت والمجمول ما لاني = يا ويل من بالغضي كلّت محافيره
وادير الاريا وافرّقها بميزاني = مثل الثمر يوم يفرق باطيب الشيره
وردت بير الهوى واقفيت عطشاني = بالقيض والبير هياب محاديره
وحياة سامك سماه بغير عمداني = اني لدوس الحما واقعد نواطيره
***
حاله
نصيت البرود وجيت عجل منه باقبال = ووطيت الصوينع مرخص عمري الغالي
انا منوّل ما اشغل الا بعين ريال = وانا اليوم ابشغل خمسة ايام بريالي
ادوّر عشايه والغدا والهجور محال = ومن حصّل الثنتين يا حي من فالي
العرض العادي
