عــطنــي قلـيـل

[ابوسحر]

عطني حنانك وانعش الروح برضاك =خل افرح ابشوفك عقب طول صدّك
عطني رجيتك هرجةٍ من شفاياك=تروي ظما قلبٍ حياته يعدّك
عطني قليل وباقي العمر يفداك=مايوم عمري بالغلا صار قدّك
القى حياتي كلّما صرت واياك=والقى معك راحة خفوقٍ يودّك
انت الحياة الْمُولَعٍ فيك يهواك =عن شوفتي لك ساعةٍ وش يردّك
اللي جرى للروح من جور فرقاك=ان كان مقصودك عذابي يسدّك
شابت عيوني واذبحتني خطاياك=تلعب بروحي بين هزلك وجدّك
قل وين قلبك يوم هاذي سواياك=وش علّته لاهل الوفاء مايشدّك
ماتَفْرِق اللي بالوفاء ملك يمناك=لو شانت الدنيا معك مايضدّك
ضيّعت عمري في متاهات رجواك=واشكي عليك وطايل الصمت ردّك

محبكم
ابوسحر