قال الذي لاعه من البين لايع = الدمع من عينه على الخد همّاع
وهو بديرة مشبعين الهلايع = رجّالهم من لمسة الخشم جزّاع
بالعز اهلها بين شاري وبايع = ومن البحر الى البحر ذكرهم شاع
اودعتهم من لا يخون الواديع = ومن هو وداعة مالك الملك ما ضاع
امدح ومدحي بالمناعير ضايع = ما واحد من فطرته كزّ لي صاع
ماهوب كله بخل لكن طبايع = ما سايل الشبعان عن بطن من جاع
بذل المروّه بينهم بالبضايع = ومن قال زاهف ذاك قاع وذا قاع
السمن في محسوبة الشبط مايع = بالمستخص اسمه وهو شكله انواع
لاشك هو يحرم على كل جايع = لا والذي يجري من الريح ذعذاع
يانا ومثلي ما نذوق النوايع = يا كود من مدّات معطي ومناع
الصدق يذكر من خيار البضايع = والكذب علّه من خفيات الاوجاع
كم واحد ذكره بالاقطار شايع = لو تطلبه صندوق كبريت ما طاع
ماله يغطي به عيوب فنايع = خالٍ من المعروف للسحت جمّاع
يوم الملاقا في حساب الربايع = خطرٍ الى شاف الثعل منه يرتاع
فيهم رجال مثل حصنٍ طلايع = بين العنان وغافره تقل فزّاع
يلقى بيومٍ يكبرن الوقايع = واف النسب ساقٍ وسمحوق وذراع
لا طنّب الصايح وصارت فزايع = بالسيف لارقاب المناعير قطّاع
لا حذّفن عطر الجيوب القنايع = يقلط امام الجمع ماهوب نسّاع
والى بقى منوة امديم الزرايع = يسوق به غال الثمن كل زرّاع
وصلوا على الهادي لدرب الشرايع = ما ناض برق وغرّد الورق سجّاع
العرض العادي
