اذا تكرمتوا طلب !!!!!!

[طارق]

مراااحب

ارجو التكرم من الاخوان بوضع باقي القصيده اذا مافيه كلافه للي يعرفها

ليلة العيد وافاني مسلي حادرن للمبيعه
والصيام بلشينن بطلب المعاشي


ولـكم الشكر

[يزيد]

ليلة العيد واجهني مسلّي حادرن للمبيعة
حزة الفطر و الصوّام بلشين بطيب المعاشي

يوم شفته وقفت و قلت ريض يا غزال الوديعة
عطني العلم يا بياع مرغوب المودة بلاشي

قال خذ واردي و احلم و لا ترضى علي الهزيعة
اقبل العذر قلت العذر ما يبرد لهيب بجاشي

أنت اشوفك من الموسم علي مغير للطبيعة
ما تجملت بي يا صاحب المعروف و الرزق ماشي

أنت تمشي على كيفك و انا ضاقت علي الوسيعة
و الزمان اختلف و انت العوض باهل القلوب الهشاشي

يا ثمر في نبانيب الغصون اللي عسقهن رفيعة
حبة منك تنعشني من اطراف الشفايا نواشي

قبل فرقا تفرقنا ترى فرقا الليالي فجيعة
أنت سجلي و مكتوب من اجلي يا عزيز القماشي

وان شاء الله تكون مضبوطه .. وهي نقلاً عن أحد الإخوان المهتمين بالشاعر ابن شريم الله يرحمه

[طارق]

عوافي يايزيد ....

الله يعافيك ياعم وماقصرت

هذي اذا قالو لك قصيده واذا قالو لك شاعر بعد مهوب استشعااار

[ابو مشاري]

مشكوررررررررررررررر اخي يزيد

طارق وش عندك بالقصيدة اعترف

[طارق]

عمك طالبها

[ابو مشاري]

من عمي

[عطاشا]

صراحة طلب غريييييييييب ومريييييييييييب

انت ياطارق مايصلح لك الا قصايد خالد المريخي

والا هالقصيدة افلقني اذا تعرف مفرداته

[طارق]

هههههه

الله يرفع ماحقرت ياعطاشا ..

اما المريخي لو اشوفه بالشارع صدمته ..

والمفردات انت راح تعلمني اياها ان شاء الله

[عطاشا]

تناقض كبير بينك وبين قصايد ابن شريم



الا وش رايك بقصايد نزار قباني

[طارق]

؟؟؟؟؟

وشلون تناقض بيني وبينه مافهمت ؟؟؟

انا من المعجبين جدا بالمرحوم سليمان بن شريم وشاعري الاول نزار قباني

اضغط على الرابط هذا

http://almashriq.hiof.no/ddc/project...i/zeedeeni.ram