كلنة عن الديوان الاول للشاعر ( الهبرانية ) ومكان بيعه

[الفتى المفقود]

بسم الله الرحمن الرحيم

السلام عليكم ورحمة الله وبركاته

أما بعد :




لمحبي الشاعر والأديب

الكفيف المبصر

صالح بن محمد الكريداء

أقدم لكم هذا الخبر الذي طال انتظاره ألا وهو الديوان الأول للشاعر والذي أسمه (( ديوان الهبرانية ))

وضع فيه الشاعر لجمهوره أكثر قصائدة حيث أنه يحتوي على اكثر من 150 صفحة

يتكلم الديوان عن / سيرة الشاعر الذاتية وتنقلاته بين أنحاء المملكة ..

ويحتوي هذا الديوان على قصائد متنوعه من :
اللغة العربية ( فصحى )
الشعر الشعبي
قصائد مناسبات
محاورات شعرية
وغيره .....
الكثير يسأل عن سبب تسمية الديوان بهذا الاسم ؟؟؟ !!!




قال الشاعر



(( الهبرانية ))

أيامٍ حلوه هنية
بالضبط والهبرانية

بين الخوي وخويه
مزح وضحك وخذ وهات

هبرانيه مزرعتنا
عشنا فيها من طلعتنا

غذتنا وايضا ربتنا
من جداني والجدات

الهبرانية حايطنا
بَقْعٍ بالماضي يربطنا

ولا احدٍ فيه يغالطنا
والضبط شيخ الحارات

حنا واعيال الجيران
ندخل نطلع تقل اخوان

من نصبح لين امسيان
ربع بروحات وجيات

بعضنا يسبح بالبركة
وبعضنا تلقى له حِركة

بالأثلة ناس مشتركة
قنّاصة بالنباطات

ويومٍ تلقانا كشّاته
كلن يجيب اغريضاته


واللي عندك ياخي هاته
ونشري بريال اخبيزات

انروح لنفود مصبّح
ماغير انراكض ونلبّح

والى شفنا كلبٍ ينبح

نبدا معه امطاردات

وش تلقانا عندالشاهي
انسويه وفيه انباهي

مَرّن زين ومَرّن ماهي
والنار شوي عويدات

نزعل لاجينا بالنكسة
تلقى حالتنا منتكسة

نضحك والهرجة منعكسة
على اللي بالكشتة فات

والى منا تفرقنا
والى تقل احدٍ يلحقنا

من كثر ما تسابقنا
رجلينا كله لكمات

واذكر قعدتنا بالقبّة
ومن الجصّة تمر نلبه

واختي بالصفّة منكبّة
تلعِي اشروا لي عباة

وش تلقانا عقب المغرب
احدٍ يقرا واحدٍ يكتب

والنور اسراج ويقبقب
مجتمعينٍ بالمنحات

نرقى فرحين للطاية
ونلعب جميع الدباية

سباحينٍ فوق الغاية
حدر القمر والنجمات

محدٍ بالدنيا ملزوم
لما انه يجينا النوم

من غير اهموم وحلوم
هذي بعض الذكريات

يا زين الماضي وعلومه
غاياته كله مفهومه

ما فيه اسرارٍ مكتومه
بين الاخوة والخوات



لا اريد أن أطيل عليكم الديوان الآن موجود بأسواق المدينة في مدينة عنيزة يباع بـــــ
25 ريال فقط

[الفتى المفقود]

آسف كلمة عن الديوان الاول للشاعر ( الهبرانية ) ومكان بيعه

[ريان]

الله يعطيك العافيه
رايح لاسواق المدينه <<<<<<<<<<<<<<<<<<<<<<<<

[الحمد]

مشششششكككككككوووووررررررر

[دمعة قلم]

مشكووووور يعطيك العاااااافيه

على الخبريه اااااااالف شكرررا