ياسلامي

[ابوسحر]

ياسلامي علي اللي يستحق السلام=ردّة بيّنه ياللي تعرفونها
ياهل العرف والمعروف باح الغرام=هرجة ماتفيض الا بقانونها
كيف حالي محت ماباق الا العظام=وين ابلقا دخاتير يداوونها
من سبب جادل شفته وانا بالمنام=جابه الحلم والصمّان من دونها
ماتسرّ العلوم ولاتفيد الحلام=صرت في سالفة ليلى ومجنونها
لو تعّبدت مابين الحجر والمقام=كن عيني الى لدّيت بعيونها
قال بعض العرب طرد المودّة حرام=قلت الاثمار كل الناس يجنونها
مايلوم الهواوي بالهوى الا الفدام=حرّموها وراهم ما يطولونها
جعل من لامني يبلى بِزرق الوشام=لين يدري بفرقا البيض وشلونها
ماتشوف الجمال اللي حداه الهيام=ماتجنّب هواه ولو يحدّونها
لاجزا الله بنوّ الخير ورق الحمام=كل ماشافته عيني بكى نونها
ساجعات على المسعى وباب السلام=من ورا المدرسة برّا ومن دونها

محبكم
ابوسحر

[YsOrI]

يعطيك العافيه يابو سحر من الروائع

[عطاشا]

قصيدة رائعة جدا لعملاق من عمالقة الشعر الشعبي في خليجنا العربي

شكرا لك اخوي ابو سحر والله يعطيك العافية

[دمعه]

مشكوووور اخوي ويعطيك العافية

[أسير الحب]

تسلم والله يابو سحر

[ريان]

قصيدة رائعة جدا لعملاق من عمالقة الشعر الشعبي في خليجنا العربي

[ابوسحر]

اشكر لكم مروركم وتعليقكم

اتمنى ان نرى مشاركات في هذا المنتدى

لأن الشاعر يستحق ان يذكر


محبكم
ابوسحر

[ابو سلطان 6]

الله يعطيك العافية ابو سحر

قصيدة جميلة

[ابوسحر]

اشكر لك مرورك ابو سلطان وتعليقك




محبكم
ابوسحر

[عزازي]

ابو سحر الله لايهينك مافيه قصايد مدح فيها الشاعر قبيلته

الموضوع يهمني الله لايهينك