خـافـي مـن الـلـه

[ابن الخطيب]

خافي من الله والشعر قبلك حسوف=يبكي على ما قيل به وش يفيده؟
ماهوب فيك ولا لقى مثلك وصوف=ولا بعيونك شفت حاله فريده
صفّة رموشك كنّها زحمة حروف=وقامت ترتّب لا رمشتي قصيده
تقول ربّي حط بالناس معروف=وجعلك مع باقي البشر في عبيده
يا لهفةٍ جابت ثمانين ملهوف=ومن سبّتك راحوا فقيده فقيده
او قصّةٍ ما هيب للسمع .. للشوف=كنّي طفل واطلب عيوني تعيده
خافي من الله ولاّ انا فيني الخوف=لولاه اسوّي ما بغيته واريده
وصايفك ما ترحم الشعر وتروف=كل ما كتبتك جات حاجه جديده
وخصلة شعرك لحالها حرب وسيوف=وقامت على العالم تسوّي مكيده
ومبسم شفاتك لا غدت حوله حتوف=حبّات خالٍ حاولت بس تصيده
وصدرٍ ما بين انّه مغطّى ومكشوف=ما ينفع اللي مناظرٍ فيه سيده
وحضنك دفا باوّله تتعانق كفوف=وآخره يتعانق وريدي وريده
والخصر يشكي ما خذت منّه ردوف=واثره محوّل للردايف رصيده
تبختري والناس تلويح وصفوف=وانا الوحيد اللي ذخر رفعة ايده
حذفت قلبي للسما غير مأسوف=وأرعد .. ولكن في الديار البعيده!