قلبي كفخ لولا الضلوع ردعنه

[<<سهم<<]

قلبي كفخ لولا الضلـوع ردعنّـه = ردع السبوق لطير في كف صقـار
من شفت ذاك الزول ونيـت ونـه =ونّة قوي الجاش ساقتـه الاقـدار
غـرو ٍ عيونـه داعجـه جملنّـه =زاهي جماله ساحر ٍ كـل الأنظـار
زينه طبيعـي ضاحـك ٍ دوم سنّـه =لحظة تبسم شفت لولـو ومحـار
ويوم ٍ مشى قـام يتمايـل وكنّـه =ظبي ٍ يلاعب خطوته كـل ماسـار
رمشه طويـل مشابهـن للاسنّـه =وريحه يباهي كل منتوج الازهـار
اعيشه لـو كـان ملكـي بجنّـه =وادرى عليه من النظر خوف واغار
اقفى وقلبـي بـه غـرام ٍ يكنّـه= اقفى وأنـا مبهوربالزيِـن سبـار

ملاحظة ..اعتز بالملاحظات ووجهات النظر

[ولد الطنايا]

زينه طبيعـي ضاحـك ٍ دوم سنّـه لحظة تبسم شفت لولـو ومحـار

الاخ /سهم
مشكور والله يوفقك مشاركه حلوه

[علي الخطيب]

هلا اخوي سهم

قصيدة جميله فعلا وقافية صدرها لها نغمة اجمل

بالمناسبة اتوقع انه هناك خطأ مطبعي في هذا البيت:

اعيشه لـو كـان ملكـي بجنّـه =وادرى عليه من النظر خوف واغار

ومن الناحية اللغوية , اتمنى ما تكون الجنّة ذيك

لك كل الاحترام

اخوك علي

[ابوفارس]

ياسلام ياسلام

حلو ياسهم

[Almo0or3b]

أخووي سـهم

يعطيـك العـآفيه علــى الأبيآآت الرآآئعه..

قصيــدهـ جميله ولآ أجمـــل..

ننتظر إبدآعآتك,,