حبيبي . والبنآدم " عيب " من رآسه إلـى رجليـه

[حمد البادي]

تعـيـديـنـه ! وانــــا الــلــي خــابــره . مــــالازم تْـعِـيِـدِيـه=عَـرَفْـتِــه كــــمّ مــــرّه مــيـــر قــلّـــي ويـــــش اسـوّيــبــه !
مِعك من وين رِحت . أدري بما تبدي وما تُخفيه=أشـوفــك عـبــر عـيــنٍ صـاحـيـه . مـاهـيــب تـركـيـبـه
فــمـــا بــالِـــك بـقــلــبٍ فـــــارغ . إلا مِـــنـــك يـامـشـقـيــه=أكـيــد اِنِّـــه يـعــدّ انـفــاس صـــدرِك . وانـــت تـدريـبــه
حــبــيــبــي والله إنــــــــه مـايــريّــحــنــي . ولا طــــاريـــــه=مــــدام انّـــــك عــلـــى مــركـــب جــفـــاً تِـــــدرج دوالـيــبــه
طـريـقٍ مـــا يـوصّــل للهدف . وش فـايــده تَمـشـيـه=مـاغـيــر تْـضــيّــع الـســاعــات تـقــبــل بـــــه وتـقـفـيـبـه
تعالـي وامسحـي جـرحٍ . قُرابـة عـام . ينـزف فِـيـه=وردّي روح صــــــدرٍ حــشــرجــت بــاعــلــى تـلابــيــبــه
تـعـالــي يـابـعــد مــــن مــــرّر الـفـرشــة عــلــى خــديـــه=بـــلـــمـــســـاتٍ خـــفـــيـــفـــه . لاتــــلاطــــيــــخٍ تْــــزَرِّيِــــبِـــــه
تـعــالــي لاطـــفـــي قــلــبــي بـلـمــســة بــلــســم تـحـيــيــه=قـضــى نـحـبــه وهــــو يـرجـيــك . تُـوفـيـنـه مطـالـيـبـه
يُقـال الطيّـب احـسـن . والـوفـا مــن مرجـلـة راعـيـه=مِـعـتـس رَجـــلٍ يـفــز لْـوجــه مـــن جـــاه ويـهـلّـي بِــــه
مـاهـو خِـمـعٍ يْنـبّـش فـالأمـور. وْيْمـتـحـن مـرضـيـه=يـكـنـســل كـــــلّ مـــاضـــي وْيْــتــرفَّــع عــــــن عــذاريــبــه
لـو انّ المـدح سـامـج . مـيـر يُقـبـل لَـدعـى داعـيـه=لاجِـــل تصـحـيـح ســـوء الـفـهـم لــلآخــر وتـصـويـبـه
حبيبي . والبنآدم " عيب " من رآسه إلـى رجليـه=مـــــن الــلـــي كــامـــلٍ ؟ مـاكــامِــل . إلاّعــالـــمٍ غـيــبــه
غريبه . كيف تَشره . وانت ما تستقبـل التّشريـه=ولــكـــن لاغــرابـــه . دام الأنـــفـــس شُــــــحّ وْمْــرِيِــبَــه
نبيـهـا صـفـحـةٍ بـيـضـا وكـــلّ الـلــي مـضــى نـطـويـه=نــواريـــه الــســـلال الـمـهـمـلـة ويـــــروح بــالــلــي بِــــــه