بسم الله الرحمن الرحيم
الديوان الأول للشاعر الكبير عبدالرحمن العطاوي(شاعر هوازن)
وصلني عن طريق الإخوان عبدالرحمن العقيل (رحمه الله)
وسليمان الحمد الهطلاني (أبوهاني) وقد وجهت قصيده الى الشاعر -رد عليها وذكر أنه لم يقم أحد من الشعراء
غيري بموافقته الإهداء –وهذه هي القصيده:
ضِيفٍ لفاني مِثِل مانِيب رايْدِي=طَلْقَ المحّيَّا فيه كِلَّ الفوايْدِي
من عندِ ابوخالد نِصَاني وْزَارِني=وَاسْبَابِ ابُوهاني وِسِيعَ البَلاْيِدي
ضِيفٍ عَرَفْتِه قَبْل عِرْفِي وْشُهْرِتِه=طافتِ قِريبِ بْلادِنا والبَعايْدِي
دِيَوان شِعْرٍ للعطاوي تِقَاصَرَت=دُونِه دواوينٍ منَ اوَّل فرايْدِي
شاعر هَوازِن رايِدَ الشِّعر والفَخَر=يَفْخَر بْشِعره كِل رَجْلٍ مْحَايْدِي
يِبْطِل دِعَايَةْ هادِم الشِّعر بالجَهَل=وْيَقْطَع طِريقَ المِدِّعِي بالجَرايْدِي
أَنَا من هُوَاةَ الشِّعر ياشاعِر الوِفا=ياشاعرٍ فَنِّه عنَ العيب نَايْدِي
جَدَّدْت لَفْظَ الشِّعر وَارْسِيت ساساها=وْكِلَّ المعاني في لْسَانِك جِدايْدِي
وَلاقِلت علمٍ ماتَهَيَّتْ دَلايْلِه=عندي وْعِند اللِّي يَعَرْفَ العَوايْدِي
لو جِيت سوق النَّابْغِه قال مِفْتِخِر=أَنْتَ الزِّعيم لْشِعْر كِلَّ البِدايْدِي
ماهِيب مَدْح وْلاَ مِبادِي مْجَامِله=مايِنْمِدِح صَرْحٍ عَرَفْناه شَايْدِي
اليوم عِنْوانِك يْشَاهَد على الفِضَا=كِدْ حاز تَاجَ المَعْرِفه والقَلايْدِي
ياما تَحَرِّيِتَه وْجَاني مْصَادِفِه=ضِيفٍ لِفاني مِثْل مانِيب رَايْدِي
عنيزه- 1404هـ
2007, 12:12 AM
المواضيع المتشابهه
العرض المتطور