يقطعك يا راس بليا نغاميش

[روح التميمي]

يقطعك يا راس بليا نغاميش

الطير إلى منّه نـوى لـه بنيّـه=صفّق جناحه وأبعد الحوم بالريش
وأنا إلى ضاقت همومـي عليّـه=دنّيت ما يطوي الفيافي من الجيش
ياما قطعنـا فوقهـن مـن ثنيّـه=اندوّر النوماس هو والمعاويـش
ولا نرتـع إلا بالريـاض العذيّـه=ولا نارَد إلا فوق عـدٍّ نشانيـش
وأقلط نهار الكون في كـل هيّـه=لا زغرتوا من فوقهن اللواليـش
وآرد على حوض الخطر والمنيّـه=يقطعك يـا راسٍ بليّـا نغاميـش
يامـا ثنينـا دون راع الوِنِـيّـه=لا دندنـت بمشـوّكٍ بالمراهيـش
يوم الردي بالضيق خلـى خويـه=لا صفّحن مثل النعام المشاويـش
لعيون من ذوب العسل في اشفيّه=أبودليقٍ فـوق متنـه عكاريـش
ولا ينبكي عصرٍ مضى له رغيّـه=إن ما حصل مثله زماني فلا عيش