لا تتلفين الروح يا روح روحي = يم العيون اللي هدبهن ظليلات
يم السوالف والطرب والمزوحي = يم النهود اللي على الصدر غضات
العنق عنق الريم طالع شبوحي = متذيرن ما بين رعين وسجات
والريح ريح العنبر اللي يفوحي = والخشم سلة سيف او حد شفرات
والوسط هافي يا حياتي ونوحي = والراس يشبه ذيل صفرا معفات
والكتف زامي فوق ردفن ذبوحي = سبحان ربٍ قسم الزين فرزات
واخدود توضي مثل برقٍ يلوحي = وسيقان فيهن للمشقى غرامات
ماكولها در اللبن له صبوحي = مشروبها نقع الصفا بالمتاهات
ما دام دارك ياصلنه سروحي = وما دام حبك صار للقلب مشهات
اجيك مسرع فوق حيبٍ يشوحي = واقفيت من عندك ومشيي امدارات
خليتني بهبوه ماسمع ولا اوحي = ورميتني بارضٍ خلا وسط مظمات
رميتني يا زين وشبك شحوحي = اثر الهوى والحب ما فيه ماوات
وانته سميٍ للسعد والفروحي = وان قلت انا اسمك خالج القلب ونات
2007, 10:14 PM
المواضيع المتشابهه
العرض العادي
