يقول من عدّا طويل حجاه

[ماجدونا]

يقول من عدّا طويل حجاه = سقاه من وبل السحاب سقاه
وهو في طويل الحيد يبدع نشايد = امثال للقلب اللبيب حياه
وذا قول من شرب الغثا فيه واهتنا = كما يشرب العطشان بارد ماه
صبر مرّة مع مرّة مير ما كفا = وما كثر من شي يقلّ حلاه
يا لابتي تكفون صيروا صعاصع = ترا من تضاعف للزمان وطاه
ومن لا يهابون المناعير ضدّه = فلا يقبلون الخيّرين انساه
والحق فان الحق ما منه مجزع = وترا العقّ يرّث بالنظير عماه
الى اعترضكم راهي الزوم عايل = وعرفتوا بحجاته خبيث غثاه
فالاوله خلوه يضرب إلـ مثلها = وابدوا لعقّال الرجال خطاه
ان كان عيّا ينتهي يا رفاقتي = فهو مشتهيكم والحقوه هواه
ولا عاد اوصيكم ترا الموت واحد = ولا عمر مخلوق إلـ ذاك فداه
محا الله من له ذمة عامريه = الى بغا له من عنى عطاه
ولا يشتري له قرن لاجل المناطح = لاجت مناطحة الرجال لقاه
حتى الى ما صاح صيّاح ذيره = وفزع ميّت الشرّه يشيل عصاه
الى اقبل الصيّاح يومي وينتخي = من الضد حادينه على قصياه
وتناسلوا عكف الاواليد مرّه = الى كل مدغوش يجيه امناه
ينطح وجيه القوم ما يقطع الثنا = الى تدانت بالردي اخطاه
الى ترّسوا ذولا وذولاك ترّسوا = وتعايوا وكل لازمٍ مرماه
وجا للفشق بين الحفيفين شيطه = هذا ذبيح وذا تشلّ ادماه
الى ما يهدي خشمها من عاضا = الى ثار داخنها يحلّ وفاه
وتعين راعيها على كل طوله = فالى استرهق التالي يحول وراه
ويهابونه الابطال من ضد فعله = فالى حلّ به طاري يزيد غلاه
عزّي لمن مثلي الى همّ يمها = الى يدينه بالكتاف وراه
تمت وصلى الله على سيد الورى = عدد ما يجرّ الراعبي غناه