عديت بالمرقاب ( غزليه )

[ماجدونا]

عـدّيت بالمرقاب = والدمـــــع سكّاب = واجاوب القنّاب = مما لجـــــــا بـــــــــي
عيني قزت بمراح = والبال ما انساح = والسد مني باح = لا واعــــــــــــــــذابي
على حسين الدلّ = زين المعـــــــزّل = يتل قلبــــــي تل = جـــــال العــــــــــذابي
اللـــــــــي صفالي = كالغدير الزلالي = ليما طوى حـالي = بسهل الجنــــــــــــابي
اتلـى العهد به شدّ = مـن جانب العدّ = واقد قلبـــــي قد = قد الايهــــــــــــــــابي
عـدّ وطــــــــا به = زيد جالي عذابه = سقــــى جنـــابه = من حقــــوق السحابي
دنّــــوا لها هيّاف = والقلب ينــــلاف = كرّب عليـــه وحاف = تـــرف الشبـــــابي
كرّب على وضحان = واوما للاضعان = واقفا وهو مـا كان = حـــوله وجــــــابي
سنّــد يبي المكيال = مع سردق اللال = واتلى العهد به حال = دونـــه ســـــرابي
كزيت لـــه مندوب = حق ومــــاجوب = لا يـــا عسل ذوب = حلـــــــو الشــرابي
رد الخبر بــــوكاد = مع عجل الاوراد = الجسم منـــــي باد = والــراس شـــــابي
عمر مضى بطرياه = مــــا والله انساه = سجّيت انا ويــــاه = واثـــره عــــــذابي
والله لــولا الباس = يـــا عدم الاجناس = وادرا زرايا الناس = بيّـن وغــــــــــابي
لاضرب بك الادراك = في بعض الافلاك = واسج انا ويــــاك = قبـل المتـــــــــابي
قبل اتولـــــع فيك = والقلب ناسيــــــك = واليـــوم انا باغيك = تبـرد صـــــــوابي
فان كان مـا تبريه = ادّ السبب فيـــــــه = والطب الا تخفيــه = واحذر عيـــــــابي
ليــاك تجفـانــــــي = جفــاك الزمانــــي = بالشين تجزانــــي = على اخــر حسابي
مثلك يدارينـــــــي = كما انــــه ضنيني = والا يجازينــــــــي = بحسن الثـــــوابي
يا بندقـــي يـا هيف = صيد الملاقيــــف = اللي ليال الصيــف = مثل الســــــــرابي
لا عرّض الادمــــي = تدرّجت قدمـــــي = فالى احترك هدمي = عطيت المغـــــابي
فالــى درج ظلـــــي = تغـبـيــّت كلــــي = فالـــى تبـيّــن لـي = على راس نــــــابي
شـــرّعــت شاربهـا = في وسط حاجبها = وخليّـت مضربها = يفــج الصــــــوابي
وحنيّــت عاقبــــــها = وهو من سبايبها = ومما نشوف إبها = طمسنا القضــــابي
وصلوا على الهادي = سبيـــل الرشادي = مـــا غرّد الشادي = في عالي الهضابي