قصيدة(انا لج بي مركب غرامي ولجلجن)

[عطاشا]

من القصائد الجميلة التي تغنى بها الطيار قصيدة( انا لج بي مركب غرامي ولجلجن)
أنا لج بي مركب غرامي ولجلجن ** هواجيس قلبي صوب حيٍّ يحبنّه

به اقضي بهيم الليل والهم عذبنّ ** به اسهر إلي نام المعافا عن الونّه

أجي له عليل القلب وأمسي بذا الوطن ** خليع من أفكاري وحالي كما الشنّه

على من هجر ذا الحي والحي به حين ** ليالي التصافي بيننا يالله الجنة

أسامر غزال ساجي الطرف سامرن ** نديم عديم والغواني يخدمنّه

علينا شراع العز ظافي وربربن ** سحايب ربيع القلب والولف قادنّه

قضينا ثلاث سنين ماعاد عاهدن ** وثيق بليا عهد والعهد مافنه

أجي له إلي ما أسبل ظلامي وهرفنّ ** نجوم الفلك والواش غافل على الحنة

صفينا وقضينا ثلاث ولي صفن ** ومن عقبهن دارن ثلاث وجرنّه

حكم بيننا الدهر مثل ماوطن ** ليالي الدهر للريف والعام يسقنّه

تحدان وقتي لين وداه وابعدن ** والأيام تضحك بيننا لين ودنّه

بعيد النيا عني وأنا عنه غربن ** شموسي وشمسه شرق والبيد حدنه

أنا كيف ابسلى واكسب الحال بالبدن ** وأنا ما تشوف عيوني اللي يودنّه

عيوني تشوف رسوم قصره وشرعن ** متاريس عينه والنواظر يحوفنّه

إلي غاب من همه يهمه تعرضن ** سواليف من بيني وبينه لها خنّه

تمخليت به والجو خالي من السكن ** شرينا وبعنا لا غصايب ولا منّه

توالفت أنا وإياه من يوم لي لفن ** به حلوم ليلي قبل اعرفه يجيبنّه

يزورن بحلم الليل من قبل يخلقن ** حلاياه واوصافه الي نمت جابنّه

ألا ياحلوم الليل إن كان لي بكن ** مرام ومقصود على شان تلفنّه

أنا ماقدرت أرسل مراسيل يشرحن ** غرامي وأنا من خوفتي مايمرنّه

مراسيل بالهوجاس تلفيه من وعن ** وتذكار له عندي تصاويره وفنه

فلا عاد تشفيني فلاشك لي بهن ** مرام لعل القلب يسلى عنه هنّه

ألا يانجوم الليل بالله بلغّن ** سلامي عليه وقولي انك على ظنه

ألا ياهبوب النود بالله ذعذعن ** على ورد خل كل الأوطان يفدنّه

ألا يا حمام الدوح بالله غردن ** على دار ظبي كل الأوصاف جادنّه

أبقسم برب البيت ما أنساه لو نسن ** بنات العرب لطفالهن ليلة الشنّه

عهد بالولي ما نساه لو كان نصبن ** مراسيم قبري فوق صدري وضامنّه

أنا إن هل راس الشهر ماجان بلبلن ** طيور المنايا فوق عمري وشالنّه

أعيش بجسم من غير فكر ولا ذهن ** هبيل خبيل هوج الأيام فرنّه

ترى راحتي موتي ولامت بان من ** وش أسباب موتي منه والبيض يقرنه

قتيل بليا رمح وسهوم ماصطن ** قتيل على فرقا وليف يعرفنه

________________

[مزاجي]

مشكور عطاشا على القصيده الرائعه والاروع الصوت اللي لحنها وغناها
لكن ابوناصر ماغناها كلها
ابسالك منين جبت باقي القصيده!؟

[قبل ترحل]

اخوي عطاشا والله انت داهيه .. لا تواخذني بالكلمه هذي ..

لكن والله اشوف منك قصائد راااااااااااااائعه

ماشاءالله عليك ..

[عبدالرحمن العقيلي]

عطاشا الله يعطيك العافية
على جميل اختيارك

[عطاشا]

اخواني (مزاجي-----قبل ترحل----------شاعر)

شكرا لمروركم وتعليقكم على الموضوع وما سوينا شي

الله يعطيكم العافية وتحياتي لكم

[YsOrI]

يعطيك العافيه كلمات لم ارا لها مثيل

[عطاشا]

اخوي الخاطوف

الله يعافيك وشكرا لك دبل

تحياتي

[طياري متعصب]

عطاشا
دائم
انت
مميز

[عطاشا]

اخوي طياري متعصب
اشكرك بعنف
الف الف تحية لك يالغالي
وعساك سالم يابعد راسي

[weld_alriyadh]

مشكووووور اخوي عطاشا

تحياتي لكم ......