فنون الإجرام
تعبـت مـن كثـر السهـر والتفاكـيـر= ليله ورى ليله . . وعـام ٍ ورى عـام !!
القلـب وأنهكتـه طــوال المشـاويـر= والعيـن ماعـادت تهنـى بـالأحـلام !!
ياصاحبـي مـاعـاد للـذنـب تبـريـر= العذر جاني . . والرضى سيد الأحكـام !!
وأوضاعنـا محتاجـه ( شـوي تغييـر )= يمكن يقـوم الحـظ وتطيـح الأوهـام !!
دايــم حكـايـات المحـبـة أساطـيـر= واللـي يميزهـا عـن الغـيـر الآلام !!
من عهد ( قيس بن الملوح ) إلى ( الزير )= والحـب متميـز بتحطيـم الأرقــام !!
يعلـم ( العـاشـق ) فـنـون التعابـيـر= ويعلم ( المعشوقه ) ( فنون الإجـرام ) !!
وأنـا مابيـك تحـب مـن قلـب وتغيـر= أبيك . . ياسر الحزن . . عذب الانسام !!
تجـرب غيابـي ولاحـظ وش يصـيـر= وأنـا بجـرب غيبتـك طـول الأيـام !!
وإذا شعـرت ان الحـزن داخلـك غيـر= وقلبك تنهد هـم فـي صمـت وهيـام !!
وإشتاقت أسماعك ل( تصبح على خيـر )= تعـال تلقانـي علـى خبـرك العـام !!
مغرم . . ولك بالقلـب حشمـة وتقديـر= وقلبي يقول مـن الولـه كـل ماهـام !!
( فرقـاك ياسـيَـد جمـيـع الغنـاديـر= ماتشبـه إلا العيـد بعيـون الأيتـام ) !!
العرض العادي
