الكبـيـر يـظـل بالدنـيـا كبـيـر
الكبـيـر يـظـل بالدنـيـا كبـيـر= ماتغيـره الـظـروف ولا اللـيـال
والحقيقـه ثابتـه . . مهمـا يصيـر= لو يطـول الوقـت ماتصبـح خيـال
والحياة أحلام . . والعالـم صغيـر= والقناعه كنـز . . ماهـي راسمـال
والشعر خلا الفـرزدق مـع جريـر= لآخر ايام الشعـر مضـرب مثـال
والهوى فـي مجملـه عالـم مثيـر= مختلـف عـن كـل مايمكـن يقـال
يرسم ( الفيَه ) على سطح ( الهجير )= ويأخـذ الشمـس بيدينـه للـظـلال
جنتـه أحيـان مـثـل الزمهـريـر= وزمهريره يشبـه السحـر الحـلال
مـن خـذاه الحـب للغربـة سفيـر= مايتوب ولـو وصـل حـد الهبـال
يامعذبنـي عسـى حالـك بخـيـر= كيف أخذك الهجر من كف الوصـال
من بعد ماكنت لـي أغلـى عشيـر= زال حبـك والحـزن بـي مايـزال
أنـت يـا أنشـودة القلـب الكسيـر= يايقينـي بالهـوى . . والإحتـمـال
الله أكبـر كـل مـافـاح العبـيـر= قلـت هـذا صاحبـي مابـه جـدال
اتأمـل للوصـل مثـل الضـريـر= وأتخيل كيـف تهتـف لـي : تعـال
كنت الأول فـي حياتـي والأخيـر= لين صـار الحـب مايسـوى ريـال
وقتهـا ودعتـك براحـة ضمـيـر= وللجفـا والبعـد شديـت الـرحـال
لاتعيد الماضـي اللـي كـان غيـر= دام مابـاقـي لعودتـنـا مـجــال
العرض العادي
