مثل اليتيم اللي عشق لـه يتيمـه
ياظاميـة ذاب الهـوى وسـط دمـي= وإنتي بعيده . . والرسايل عقيمـه
لوتشربـي حزنـي وهمـي وغمـي= تبقى عيونـك بالمظامـي محيمـه
لـي عـام لامـرت طيوفـك أسمـي= أخاف من ذكرى السنيـن القديمـه
وإنتي طـرف عينـك إذا لـد يمـي= ( أشد وطأة ) من لواحظ ( حليمه )
كنـه لخـامـل ذكريـاتـي ينـمـي= ويعطي لحلم العمر . . قدر ٍ وقيمه
يجمع شتات الشوق ويقول : ( سمي )= مثل اليتيم اللي عشق لـه يتيمـه
وأنتي ولا انتي بنـت خالـي وعمـي= لكن غـلاااااااك الله عليـه يديمـه
مـاجـاوزه إلا غـلاااايـه لأمــي= عظيمة انتي . . بس قبلك عظيمـة
وأعظم طموحي قبـل مدحـي وذمـي= وقبل أكون لجيش حزنـي وليمـه
هذا الهوى ماهـو مهـم . . الأهمـي= أحلاااامنا تحيـى حيـاة ٍ كريمـه
ليت الشعر ماكـان ( علكـه ) بفمـي= ولابينـي وبينـه علاقـه حميمـه
حتـى إذا شميـت اطـراف كـمـي= ولقيتهـا أطيابـك عليهـا مقيمـه
ماساقني أشـرب مـن الهـم سمـي= وأأأغيب مابين الغـرام وجحيمـه
وأخـذ أردد مـن عذابـي وهـمـي = ياااااااربي تجيب العواقـب سليمـه
العرض العادي
