الله يعنيّك يا غرو تعرضّ لي

[ماجدونا]

الله يعنيّك يا غرو تعرضّ لي ضحى العيد = عليه من كل شكل يستوي للزين غالي
قلت التحيه ورايع والتحظ بالعين والجيد = سبحان من صوّر المخلوق في صورة غزالي
مانيب اعرفه ولكنه لطلاب الهوى سيد = ذبح لراع الغرام من العماهيج التوالي
وقفت حيران قلت انت آدمي والا من الصيد = واطرق بنجل هدبهن يوم يغضي له ظلالي
قلت انت ياهنّ عرفي قال زلّ جحيد وبعيد = مانيب اعرفك ولا لك بي معرفه يا حلالي
وهو يعرفن ولكنه يذل من المقاريد = يخاف من ثور هور بالفضيحه ما يبالي
يا زين ودي تشرفني بوصلك قال ما ريد = الا بوقت خفي من جميع الواش خالي
راع الهوى ينقضي شانه وهو يدرا الحواسيد = يا كود من لا يعرف البيشلي من الريالي
انا احسب انه مزاح وصار وافي بالمواعيد = يا حلو جمعَ الموده عقب تفريق الليالي
قطفت من غصنه الريان حلوات العناقيد = واخذت ما طاب من ريق كما درّ المتالي
وقت فلا شك جالي من صروف الوقت تنكيد = ما طاب للادمي ما دام له يا هملالي
وضلّيت مثل الخلوج اللي ترايع للمفاريد = من هجر الايام بس اصفق يميني شمالي
حنّيت وانهل مسكوب النظر تنّ وتفريد = والحال مني على الغالي كما وصف الخلالي
وش خانت الولف خصّ لا صدف للولف تلديد = وقت الى ما صفا لي يوم كدّر ما صفالي
بير الهوى فوقه الجهال صدّار مواريد = طوف ورا طوف يرجون الشراب من الزلالي
العّد ما يارده من لا معه عدّه واواليد = عسر المواقف يعدي عن غزير الما الزلالي
واكبر مصيبه قوانيص يشيلون البواريد = لجل المها والمها يحتاج حيله واحتوالي
يمشون له بالفضا ومنفّرينه بالتراديد = وهو على اسمه الى شاف الونس طقّه جفالي
انا بجيل على راع المثايل فيه تشديد = وهنّ البضاعه ولا عندي حذاهن راس مالي
ديني على المصطفى عن ملّته ما انقص ولا زيد = حيٍ عليها واموت ابجاه من يحي البوالي
صلوا على المصطفى ما غردن الورق تغريد = وآله وصحبه عدد ما هلّ من وبل الخيالي