ضحكت في عصر الشباب وغرّني = ما ميّز البيزات من صرف الجني
يحّول يا عين قزا عنها الكرا = من ضيم همّ في ضميري يبتني
اضحى الضحى وهي تجادل نومها = تقول يا نومي لما حاربتني
قال المجادل بيننا وش هو له = متذّكر عصر مضى ما ينثني
قالت لقيت بما تقول مرافق = فلجتني بالنوم لكن عزّني
من ضيم وقت بان منه دلايل = هوايل تدعي العقول اتجنّني
الليث يمسي ديرة من ديره = ولا جت له الدنيا على ما يمتني
والهرّ قاصرة الحبال اشبوره = ياكل ويشرب في حياته مهتني
من عاش بالدنيا تفكّر واعتبر = عما تسوّى بالضعيف وبالغني
دنياك لاضحكت لعبد ساعة = واستّر واصبح من ثمرها يجتني
امست هشيم خامد نوّارها = الامر لله كيف فيها نغتني
لو انها تسور جناح بعوضه = ما حقّت اللعنه عليها تلعني
ترا الفخر باكر الى بان السعد = ماهوب جمع المال واكله بالهني
من مات ما قدّم لنفسه صالح = حتى ولو هو بالحياة مصلطني
تلقاه يوم العرض حمله باهض = يوم تفرّ الوالدين من البني
ليما يطيح بقعرها يا كافي = يا غافر الزله اجرني وانجني
انا ومن يتبع طريق نبيّه = يوم الشفاعه للمسي يالمحسني
ختمت قيلي بالصلاة على النبي = اعداد ما يرفع بصوته مذّني
واعداد ما تسعى الركاب الى الحرم = واعداد خلقه حي او من هو فني
العرض العادي
