عقّب الونه عوايه

[ماجدونا]

قال من جر الونين وعقّب الونّه عوايه = في حجا مبريّة لا علّها وبل المخيله
يجتلد كنّه جريح بايت بالجرح دايه = ما ينام الليل طرفه والشقا ينقل فتيله
يالله اني طالب منك المروفه والحمايه = يا قويٍ من صواديف النيا ينجي دخيله
ارحم اللي حاربت رجليه مشي بالحذايه = كل وقت ودوك ليل من الحرص ياطا شليله
في طلب رزقه يدور اله السبب في كل شايه = مير اثر حظ الضعيف الى ربض ما فيه حيله
خابرٍ حظ الفقير الى ربض مابه عبايه = كل ما بارح نهار اليوم الآخر يلتوى له
لا وراه دقاق غوش ولا ضياع في لزايه = والعشا يطرد غدانا والله ان هذي فشيله
والله اني طامع ان الوجه الاقشر في قفايه = اجمعه بالتطرفه وابليس ينقل في زبيله
الدمار اسرع من اللي مستمرٍ بالبنايه = يوم هو جنّب عن الثنتين يرضا في حصيله
والله اني ماخبر في يوم واحد جا منايه = كود يومٍ صدت فيه اربع قطا واوفيت شيله