قال الذي شاف

[ماجدونا]

قال الذي شاف من وقته امور عجايب = يضحك مع اللي ضحك لاشك خاف الهم دابه
البارحه يا لطيف الحال هلّن الحبايب = دمع كما وبل هملولٍ تطلّق من سحابه
من ضيم دنيا رقص شيطانها بين القرايب = رفيقك الصاغ مثل الموس عضّه في قضابه
قالوا تولّع بطاروق المودّة وانت شايب = قلت ايه نعم ما سمعنا به على المسلم عتابه
قالوا ورا ما تتوب وقلت : انا لله تايب = الله عن اللي يريد المغفره ما صكّ بابه
بعض العرب ينصحون ونصحهم ماهوب صايب = ايحرّمون الجواب ويستحلّون السبابه
واهل النصيحه ربيع قلوبهم بيع الغلايب = الحق كل يعرفه مير وين اللي يهابه
ويش الحول يا الربيعي يا مورّد كل هايب = بالمشكل اللي تبيّن لي ولك خافي عيابه
نشري قماشة بحاضر والمبيعه بيع غايب = بالدفتر اللي على راعيه ما يشكل كتابه
حطوّا وشالوا ولا بيني وبين احدٍ طلايب = وكل الى عزّلت روحه على الوالي حسابه