كل الخلايق تمناه/ صالح البطحي

[روح التميمي]

قال الشاعر صالح العبدالله البطحي :

لي ديـرةٍ كـلّ الخلايـق تمنّـاه=جـوّه على كل المصايـف تعـلاّ
فيها رياضٍ تنعش الروح ما احلاه=تلقى الثمـر من بين غـرسه تدلّى
سحر الطبيعـه حايـرٍ ماتعـدّاه=من يسكنـه طول السـنه مايمـلاّ
ماحلى جماله لانشـا المزن واسقاه=تلقى المصفّـر نبت عشبه مـظلاّ
هي ديرة اللي ضامه الدهر واشقاه=دخيلهم طول الدهـر مـا ِيــذلاّ
تلقى الشجاعه والكرم حين تنصاه=عاده قديـمه لالقى الضيف هـلاّ
أولاد فيحا وصلت الغرب يمنـاه=للعلم راحت ماهدفهـا تـسـلاّ
هي ديرتي واسأل عنه كل من جاه=لابدّ ماتـلقى علـومٍ تِـدِ لاّ
يفزّ قلبي لاسمع حـسّ طـريـاه =حبّه بقلبي ثـابتٍ مايِـحَـلاّ
واطلب عسى ربي يحفظـه وياقاه=طول الزمان وطول مالشهر هلاّ

[حبوب]

رائعة هي هذه القصيدة ..
وأذكر أن للشاعر صالح البطحي ديوان صوتي أتمنى أن أجد هذا الديوان

[maa424]

الف شكر اخوي

[تسبدة وربدة]

تسلم على القصيدة الرائعة في عنيزة ويسلم شاعرها

[سدير]

قصيده رائعه ادام الله لنا عز بلادنا وحفظها من كل شر ومكروه



سؤال كيف احصل بقيه قصائد البطحي؟؟

اتمنى الاجابه باسرع وقت ولو كان على الخاص افضل
ولاهان اللي يعبرني