عفا الله عن عين ( غزليه )

[ماجدونا]

عفا الله عن عين جداها ونينها = ياوي لها من كان يوحي حنينها
على طفلة عمهوجة غضة الصبا = تسبي قلوب اهل الموده ابزينها
تباهى بمجدول على الردف كنه = ثليل شقرا باللقا مسرجينها
والعنق منها عنق قوادة المها = بانت على تفـّاقة ذايرينها
ذرعان بالكفين هي غاية المنا = مع حسنها بخضابها ناقشينها
انا ما ذبحني لين شفته وبان لي = كما اللولو المنظوم بين اشفتينها
وخد كما المصقول في كف نادر = حامي بها ورد على وجنتينها
ومحاجر ذبحٍ لطلابة الهوى = لكن ذحاح الموت في حجر عينها
زهى الصدر منها كالرمامين ترّز = حمر ثمرهن ما لهجن جنينها
والبطن لا ديباج لا المرعز الذي = كما دارة الدهدار لونه ولينها
وردف يعوقه عن مسيره الى مشت = .............( )............
وحدر الردوف احزوف تزهاه ما حلا = ساقين صافية البها واقدمينها
فلاشك واعزاه ماهيب ضنتي = خيره لغيره وابتلتني بحينها
زهت بالشباب وغاية الحسن والبها = وهي له ثلاث وعشر عدة سنينها
ابت لا تمنيني ولا تقطع الرجا = ولا تنفع الشكوى لمن يزينها
وهي سمحة الاطراف ملهوفة الحشا = الا واهنيك بالطرب يا خدينها
كما دوحة البان الذي هزّه الهوا = الى هب ذعذاع تمايل اغصينها
حشا الله ما فيها من العيب ذارب = حذا في ليال اشباط لذة حضينها
ولا ظن له عندي حتين من الملا = حذا موق عيني ربما انه حتينها
تهاوي هواه النفس وهو على النقا = فلاشك اعذل النفس عنها واهينها
ماهوب لا بغض ولا محقريه = فلاكن اخاف النفس تبدي كنينها
الى انتحت نفس آدمي على الهوى = فهي ربما يصبح ضعيف يقينها
فلاكن على المخلوق يسال خالقه = يعينه على نفسه ويخزي لعينها
تزريت من قول القلوب شواهد = وانا اظن هذي هرجة ناسخينها
يود هبيل القلب من لا يوده = على عصر بن بدران يا جاهلينها
ومني ومن يوحي صلاة على النبي = ماحي ظلام الشرك بانوار دينها
والآل والاصحاب ما قلت مبتدي = عفى الله عن نفس جداها ونينها

...( ) ... النقص من المصدر ديوان ابن دويرج