عمي سليمان الخطيب

[ياسر التميمي]

حيّ الذي في شوفته .. يسرق العين=كن النواظر .. حالفه ... تحت طوعه
جيته .. وانا اقبّل جبينه .. واليْدين =واطلبه ... يطفي , في غيابي .. شموعه
عذري مشاغل دنيتي , والله يعين= لا حاس , ولد اخوك , في حبّ كوعه
يا عمّ .. بسم الله وابلعن شياطين=تبعد .. حبيبٍ عن حبيبٍ .. يجوعه
يا شيخنا .. يا فوق , كل القوانين=يا مشابهٍ .. بدر السما , في طلوعه
يا ماخذٍ حقّه .. من الحب ضعفين=ياللي لك .. آذان , الجماعه سموعه
والله .. كنّك في المرض واقفٍ بين=قلب وشرايينه ... وصدر وضلوعه
لا عاد تنشد .. للدكاتر من الحين=عسى الطبيب .. يشوف بقعا تصوعه
بسمتك يا عمّي .. غدت كنّها دين=وضحكتك خلّت .. كل نفسٍ قنوعه
هيّه كذا روحي .. شفوقه لغالين=والله ياخذها .. اذا هي .. قطوعه
عمّي .. وربّي ما خلق غيره اثنين=حتّى ولو تستنسخه ... نفس نوعه
دايم اقول انّه .. يساوي كثيرين=وياما اسولف للعرب .. عن طبوعه
لا تحسبونه طاح .. انتم مجانين؟=ما ينثني ... الاّ بسجود وركوعه
الله يطوّل عمر عمّي .. ويا زين= مسك الخطيب اللي غدينا فروعه

[ام السليم]

لا فُضّ فوكَ يا ابن الخطيب ..
و عمك أبو علي يستاهل كذا وأكثر ..
أم السليم ..

[سليمان الخطيب]

كل الشكر والتقدير لشاعرنا الموهوب ابو محمد :على بن محمد الخطيب

على هذه المشاعر النبيلة والتي تدل على سمو نفسه وطيب معدنه
والله يجزيه عني بكل خير

والشكر موصول لأختي الفاضلة أم السليم حفظها الله على كلماتها
الطيبة بارك الله فيها وجزاها خيرا..

وكذلك خالص الشكر والتقدير للاستاذ ياسر التميمي

ولكم جميعا خالص تحياتي وتقديري