وفي رثاء والدته

[ياسر التميمي]

الدار عقب امى وش ابغى بسكناه=ماعاد لى رغبة بسكناك يا دار
يا دار عزينى واعزيك عزاه=من عقب فرقا امى فلا نيب صبار
والله فلا انسى امى وعطفه فلا انساه=يا الله عسى مثواه فى دار الابرار
رخص العمر ياخوى من عقب فرقاه=لولاى اوسع خاطرى صار ما صار
ياليت يومى قبل يومه ونا افداه=ام حنون وزود عطفه على الجار
الله يرحمها ويغفرلها اخطاه=وياالله عساها ما تعرّض على النار
ياما ذكرناها وياما بكيناه=راحت وخلت جلسة البيت تذكار
اصغر صغير الى ذكرها وشفناه=تهمل دموعه مثل همال الامطار
يبكى وهو مفجوع يماه يماه=معذور لو صاحوا صغيرين وكبار
ياما بكيته لين عينى نشف ماه=لا شك ما بيديّ حيلة بالاقدار
ياليت ربى لو سنيوات خلاه=نفرح بها من قبل قصاف الاعمار
والله منساها وأنا أفرح بطرياه=إلا إان نسى الوالد من أولاده البار