سبق وأن كتبت أبيات للشاعر المرحوم علي البراهيم القري
وصدفة وجدت تكملة لهذه القصيدة لذا أعود لكتابة القصيدة كاملة
وهذه القصيدة سبق للشاعر القري أن أرسلها لأحد معارفه ردا على رسالته :
يا مرحبا بالكتاب وصاحبه ولي مشى به=ترحيبة كنها السكر على در المتالي
بالصاحب اللي على ما نعهده سهل جنابه=ملازم الوفا والمرجله باول وتالي
صقر تفق عيدان الذرابه والدرابه=لما غدى في زمانه مثل بو زيد الهلالي
فهمت ملحوظ خطك وستهميت بجوابه=ورد المكاتيب حق للرجال من الرجالي
وعرفت مقصودك أنك يوم كثرة الكتابه=تبين إخبرك بدقاق الحوادث والجلالي
والحمد لله طرفنا ساكن من كل بابه=إلاّ الأجانب عيت تمتزج مع الأهالي
هذا ولا حاجة ابين لك الّي به ملابه=أبنتظر وأستعين برب عالي او عزالي
وإن كان صار الكلام اللي يجي منك متشابه=مديت رجلي على وضح النقا ولا بالي