وقفه مع حمد المغيولي .. رحمه الله

[ماجدونا]

السلام عليكم ...


غاوي طرب ...

تحيه لك ... وشاكر مرورك والتعليق .. أما بالنسبه للتعديل اللي تفضلت فيه ... هذا يمكن الطيار غناها كذا .. ولكن القصيده كما كتبتها بالنص :-


الا يـــــا عيوني ما يفيد النظر والشوف 000 تكافي وكفي لا تراعين يا عيوني

تكافي كفاك مكايد الجادل الغطروف 000 ابو وجنة فيها شرى الموت مقروني


وكن واثق اخوي الكريم ان هذا النص الصح .

تحياتي لك وللجميع ...

[ابو سلطان 6]

ماجدونا
الله يرضى عليك
ما قصرت كنت اتمنى احصل على قصائده الله يرحمه
واخيرا جبتها
ارجوا من الإخوان المشرفين تثبيت الموضوع
تحياتي ابو سلطان

[ماجدونا]

السلام عليكم ..

ياللي رثعتي بالعقول الرزينه = وشلون فعلك بالعقول المهابيل
هذا تخمينه وذا تطرحينه = واللي سلم ما صيب ما يمرح الليل
عز الله اني شايفٍ منك عينه = ياللي على شقح البني بك تنافيل
اصبحت عيني من فراقك حزينه = عزاه من فرقاك ومطاول الطيل
يا رب تلحفني جناح السكينه = قدّام لا تقضي علي الغرابيل
اللي ذبحني في حجاجه وعينه = سودا طبيعه ما سواده من الميل

***********

يالله يا جابر عزا من دعاك = تروف بي وانت بحالي بصير
يا منزل الماء من روايح سماك = فيك التجي واسترحمك واستجير
انا بحلمك صابرٍ في رجاك = تصخر حبيبٍ في حياتي خشير
يا من بحسن الخلق ربي عطاك = حيرت رجلي بالفضا لا تسير
مجبور قلبي مغرم في هواك = احرقت روحي يا قدات النظير
ان مت عمري يا حبيبي فداك = حيل الله اقوى والمدبر بصير
يالله عسى من لامني في غلاك = رجله ثلاث سنين عظمه كسير

*********

حيل الله اقوى حديت القايله حدي الشرودي = يا من خبر واحد يحدى الضحى قدام داره
اللي حداني بليا حرب ومراهيف وجنودي = متهددن بالهجوم وشنّه المذهوب غاره
أصيح مير العرب كنه عن الفوضى رقودي = ما كن في هالبلد للمشكله شرع واماره
لو ان فيها نظام وعندهم شرع وحدودي = ما راح عمري على اللي همهم همي خساره
لا واحسايف على اللي عيدهم ساعة وجودي = اللي على شوفتي يعطي الهدايا والبشاره
فارقتهم والموده جددت مدرس اللهودي = تحزّ كبدي حزّ الخشب موس النجاره
انا قتيل العواتق والمفارق والنهودي = ومدعجات على سفك الدما معهن جساره
والى تبسّم بغرٍ كنهن ضي الرعودي = ولّع بطبلون قلبي واشتعل سلك الحراره
يا زين وين الصداقه والوثايق والعهودي = ايام روض الموده بيننا يجذب خضاره
بدلت ذيك السوالف والتوالف بالصدودي = واسقيتني عقب مشروب الهنا كاس المراره
طاوعت بي يا حياتي هرج نمام وحسودي = الله يحسد الحسود اللي قبس للبغض ناره

*****

آه ياللي بنار الشوق حبه كواني = بس اخيله بعيد وعذبتني إشطوني
كل ما زرت حيه عند بيته دعاني = وان تمايلت يمه سكّر الباب دوني
ليه تلعب بقلبي يا قليل الحساني = ما حصل منك تنفعني ولا تتركوني
أفتح الباب وعطني العلم ما به مثاني = لا تعذّر على مثلي تزيد الغبوني
انت سالي وانا ذقت النكد من زماني = لا تفرج على هالحال يكفيك لوني
أتصبر وطول الصبر زاد إمتحاني = واترجاك وأرجي الله يحقق ظنوني
لو تكرم تزورن ساعةٍ في مكاني = والله اني لاشيلك في محاجر عيوني
انت لك منزلٍ بين الضلوع المحاني = يا مخلص ديونك خلصن من ديوني
لك حنانٍ بقلبي ما نطقبه لساني = يشهد الله علي ما كنّ لك صدقوني

[غاوي طرب]

الأخ الرائع دوما / ماجدونا
تراني عنيد شوي ومخي ناشف عموما قد تكون نقلت الشيء بدقة ونحن معك في تحري الدقة أثناء النقل .
ولكن بالعقل هل كلمة شرى الموت أصح من كلمة أشقر الموت المتداولة عند العامة وخصوصا قبل أكثر من ثلاثين سنة .
والمعنى أيضا في البيت الأول يكون أكثر صوابا حينما يقول تقاضي وكفي لا تراعيه يا عيوني خصوصا وأن صدر البيت يقول ألا ياعيوني ما يفيد النظر والشوف فكلمة تقاضي التي تغنى بها أبو ناصر وهو ناقل حي للشاعر تأتي في السياق الصحيح ضمن عجز البيت ، ومن هنا جاء تعديلي وأحيانا يكون في الدواوين أخطاء مطبعية وإملائية ، وأخيرا إن ما ذكرته هو اجتهاد مني للوصول إلىالصواب أرجو أن اكون موفقا فيه .
اتمنى أن يوافقني الشعراء المتواجدون معنا فأنا متفائل بأن ما رأيته صوابا حتى يأتينا رد من شاعر .
ولك مني أجمل وأطيب تحية .

[عطاشا]

اخي غاوي طرب
السلام عليكم
اول شيء أنا ماني شاعر ولكني متذوق للشعر
ثاني شيء مانقله اخي ماجدونا هو الصحيح 100% فكلمة شرى الموت معروفة ومتداولة منذ عهد بعيد
أما اشقر الموت فهذه أول مرة أسمع بها
وبالنسبة لغناء ابو ناصر فقد غنا القصيدة مثل ماذكره اخوي ماجدونا
اما ألأ قرب للصحيح فكلمة تكافي اقرب للصواب من كلمة تقاضي لأن لا فائدة من النظر والشوف
وشكرا للجميع
وتقبل تحياتي

[ماجدونا]

السلام عليكم ....


غاوي طرب ...


هلا والله وغلا ... ههههههههههههه يا حبيلك . سم وأبشر نعرضه ونشوف ..حتى لو ودك نحول الموضوع للقضاء ما فيه مشكله ترا .

كل الشكر لك على المشاركه .


عطاشا ...
هلا وسهلا بك ... وصدقت فيما قلت ... هذا المعنى . والحمد لله كسبنا صوت لصالحنا .

مشكور على المشاركه والتوضيح .

تحياتي للجميع ...

[غاوي طرب]

أخي العزيز ماجدونا
أحبك الله قل آمين .
الأمر الثاني تراك كسبت صوت ما هو سهل أحب فيه عشقه الكبير للطيار وانا إلى الآن لم أجد من يقف بجانبي .
الأمر الثالث ترى ملاحظتي اللي طلعها غلط أخونا عطاشا (مع ان ملاحظتي في داخلي لازلت أؤمن بصحتها) وهي لا تعني عدم إعجابي بما قمت به بل أؤكد لك مجددا إعجابي وتقديري للجهد الكبير الذي بذلت وقد قمت بجهد عظيم واطلعتنا على قصائد لم نكن نحلم بأن نقرأها إلا من خلال هذا المنتدى الرائع لشاعرنا الكبير .

[عطاشا]

اخوي الغالي غاوي طرب
السلام عليكم
اول شيء اشكرك على المجاملة اللطيفة والكلام الجميل بشخصي المتواضع
وتراك من الناس اللي احرص على قراءة تعليقاتهم وردودهم على المواضيع
يعجبني اسلوبك وتعجبني افكارك وافرح أن يكون جمهور ابو ناصر بهذا المستوى من الثقافة والنضج
العقلي والأسلوب الراقي وهذا الكلام ينطبق على جميع ألأعضاء المنتمين لهذا المنتدى
وما إختيارك لإسمك المستعار إلا دليل على كلامي فأنت غاوي طرب والطرب عند أبو ناصر
واللي يجمعنا اشياء كثيرة من ضمنها عشق الطرب وحب ابو ناصر
تقبل مني اجمل تحية

[YsOrI]

مداخله ....

انااحب ان ماجدونا يقول لاخوي غاوي انه (لم ينقل القصيده ) يقول له ماكان ببالي ....؟
حتى ماتختلف وجهات النظر ..وشكرا لكم

[ماجدونا]

السلام عليكم ..

غاوي طرب ... عطاشا ... الخاطوف


هلا والله وسهلا بكم وبالجميع ... وكل التقدير لكم على التعليق .

أخوي الخاطوف .. ما أدري وش اللي ببالك ؟؟؟ ههههههههههههه

لكن قل اللي عندك .. ترا ما فيه مشكله يا بعدي . وأخوي غاوي طرب .. الحقيقه أستفدت منك على هالنقاش الهادف وتوضيح وجهة نظرك .

وهذي بعض البيوت المتفرقه :-

إستانسوا دام ابوكم حي = عزيلكم وان لحق خاله
دامك جويهل بسن الغي = ما تعرف الوقت وأشكاله
أخاف يوم يزيل الفي = وتصبح الحال يرثاله

****

يا وجودي وجود اللي حلاله وحيله = سبعة أشهر على ( الرقعي ) حديده نثاير
شيّن ببطن القليب وشيٍ فوق النثيله = غير شين المراح وكل يومٍ خساير
طايحن بالدبادب والمسافه طويله = كل ماصبحت من صبحٍ والى العج ثاير

****

قايد الريم ذكاني على غير يمه = قادني للدرك قود الوصي للضحيه
قلت يا حبيبي خلك بعطيك كلمه = لا تعجل بذبحي خل ابكتب وصيه
آه يا من رماني في غرامه ودمه = زاد بي ما جرالي فوق تسعين كيه
يا محمد دخيلك وصل العلم يمه = خبره بالعلوم البينه والخفيه

****

هذي قصيده ايام دورة الصعود بتبوك عام 1408 هـ . بنادي النجمه :-

انا بوادي خلا والناس في وادي = روحي مع الفكر والتفكير منسجمه
أسبح مع الليل لين الصبح ينقادي = وأقنب كما ذيب عوا عالي رجمه
حتى سمعت الخبر في موجة الرادي = باللي على الخصم فاز وسدد الهجمه
كل يطوح بعالي الصوت وينادي = عاش راس الفريق وعاشت النجمه
تكفون يا لابتي يا نسل الاجوادي = اصحى يخيفك فريق مطور حجمه