قريت وردي وقبله أية الكرسي = ردع لعين الحسود وعين شيطانه
ركبت فوق الهدد مع غيبة الشمسي= وعبيت من شيشة الريان خزانه
وشيكت اربع دواليبه عن اللحسي=وفوقة أسبيرين أمعبيات ومليانه
وبعده تواسيت علي مركوبه الدعسي= يسراي بالباب واليمني بسكانه
فريت سلفه ودار الويل والترسي= وصرت أسيوره تجاوب صوت شكمانه
قام يتلوى مع السكة تقل قوسي= ونور القمر فوق كبوته وقيطانه
جيبي الي ضاقت الدنيا على نفسي=زبني علي صاحب شاني علي شانه
سريت كني ذياب او عنتر العبسي=لا خايف من عدو ولا من اخيانه
يوم ان تشاكل علي الدرب من عمسي=حصلت في شاشه الجوال عنوانه
كلمت رمز الصداقه قلت انا منسي=بيني وبينه علي الشفره وبرهانه
ضويت ماخفت من جني ولا انسي=في حندس الليل وعين السو غرقانه
علي عذيب الماء وعيونه الخرسي=لعيونها اللي تشادي عين شيهانه
وردي غدير حلا ماهوب لي رسي=لو شربه الميت قام وفتح اعيانه
الجادل اللي هروجه همس في همسي=لاسلهمت بالرموش وغضت اجفانه
قامت سفينه هوانا بالبحر ترسي=وجنيت من بحرها لولو ومرجانه
ودعتها بالسلام وكتمت الحسي=توديع من حج بيت الله لغفرانه
قالت وداعتك سدي قاعة الرمسي= عدوان بقعا علي التفريق تعبانه
عاهدتها باليمين وخمسه بخمسي=اني علي السد مدفون بميدانه
مايدري مخلوق عني وين انا امسي=الا انا وانت ورب الناس سبحانه
الذيب يطوي حشاه الجوع من يمسي=ولاقيل ذيب تعشا لحم ذرعانه
والله والله واللي فارض الخمسي =لااموت ونفوسهم عطشا وضميانه
خليك بأركان قلبي واثق الهجسي=مانيب خبل هذور خف ميزانه
2009, 01:59 AM
المواضيع المتشابهه
العرض العادي
