تلذذ في عذابـي كِـنِّ فـي صـدرك علـيّ إحـدام=ونـا ويـش إرتِكَبْتِـه مـن ذنـوب الحـب وآثامـه
ما اخلّيـت إبفريضـه واجبـه ولا جرحـت اصيـام=ترهبنـت العبـاده بـيـن محـرابـك ومرسـامـه
أمانـه ريحينـي مابقـى بالعـمـر غـيـر ايــام=ولا تِسْتَاثمـيـن إبمـيّـتٍ بـاوآخــر ايـامــه
ربطني فيك رابـط عاطفـي ورمـوز روس اقـلام=وصرتي منبـع إلجـزل القصيـد ومصـدر الهامـه
أدور إبمنسكك هايم على وجهـي .. جبـل وحـرام=بقايـا هيـكـلٍ مافـوقـه إلا الجـلـد وعظـامـه
حـرام إنـك تذلينـي وانـا مرفـوع صدر وهــام=تبيـن إتورجيـن الكـون كيـف اوطّـي الهامـه ؟
نعم يانـاس احبـه حـب مـوت ومرمطـه وهيـام=إذايرضيـك هـذا .. تـلّـي المعـلـوق بـوذامـه
تحت هذي ثـلاث اخطـوط مـع علامـة إستفهـام=ونفـسٍ وآمِـرَه بالسـوّ قـبـل اتـكـون لـوّامـه
أنا لو قِلت أبدْلَه عنـك . ذا ضـربٍ مـن الاوهـام=ولـو قالـه لسانـي مـا يطيـع القلـب وريـامـه
كِفايه . وش ورى ذا . مابقى إلا اطْلَع مـن الإسـلام=ألا واستغفـر الله عـن كــلامٍ يَفـلِـت إخطـامـه
صِدق من قال . " يخزي الحب شو بيذلّ " روس اكرام=يـوطّ الـروس ويزلـزل رواسـي نجـد وتهامـه
إذا انتـي ناويـه قتلـي فحـدّي شفْرِتِـك بــولام=ووارينـي ثـرى . والميـت سنـة دفنـه إكرامـه
العرض العادي
