اساهر ساريات الليل مدام ان القمر مابان=ولامنه تبين قمت اسولف له عن احزاني
اثر وجه القمر ماهوخوي الساهر الولهان=يبين من الشروق ويتجه غرب وينساني
وكمل مع نجوم الصبح ونيران الهوا تصلان=توهج داخل اضلوعي وهم بي تولاني
لهيب بالحشاء يسعر بلا نار ولا دخان =ويرهق حالتي من دون مابينت لفلاني
ابات الليل والهوجاس يلعبي وانا تعبان= ولابي عله لعلاج دكتور تبناني
طبيب والدواء واعلاج مابي خثره الاعيان= عسي الله مايطول غيبة اللي تسكن أركاني
نهار السبت توادعنا وكني في وسط بركان=ودمع الحزن فوق الخد هماليل وهتاني
اوادعها وداع اللي نزيل عند شيخ الجان=فقد عقله ويسقي له كاس فيه قراني
دخلت بعالم ثاني بلا قصد ولابيبان=عواكيس الزمان اللي تطاردني بميداني
قضيت اربع من التومان والسادس شهر شعبان =وانا ياعونه الله كل يوم اشين من الثاني
الي هز الهوي بابي لواني بالكري غرقان =افز من الفرح عجل وقول حبيبي جاني
وعود للوساده اسحب اقدامي وانا سهران=ودله قلبي اللي كل يوم بهمه اشقاني
نصحني من نصحني والنصيحه هرجه العدوان=عصيت بطاعته اهلي واهل سوقي وجيراني
انا الشاكي انا الباكي انا التايه انا الغلطان= ولكن بس خلوني أعيش الوقت وحداني
الا يالوع قلبي لوع مسجون بلا برهان= وقع بالسجن مظلوم تحت حكم المريكاني
علي مافات انا في خير لاجايع ولا عريان= ولكن قلبي التواق مرهون بخلاني
اسالك يالولي بياسين وعما وسورة الفرقان=ترد اللي غيابه صار لي عوق ونقصاني
غزال جل خالقها بشكل غير شكل انسان=خذت نصف الجمال اليوسفي بشكال والواني
الي منه مشت هزت قوام مثل غصن البان=يفوح بدربها مسك وبشام ونفح ريحاني
سقتني شربه لاهيب من بير ولا غدران= سقتني كاس من تسنيم ممزوج بشي ثاني
تعاطيناه بلا خوف بقسمه كفه الميزان=علي ذاك اليمين اللي ورجح به كف ميزاني
2009, 10:26 PM
المواضيع المتشابهه
العرض العادي
